تقسیم وراثت (ماں ، دو بہن اور دو چچا)

1. السلام علیکم ورحمة اللہ وبرکاتہ 
2. کیافرماتے ہیں مفتیان دین مندرجہ ذیل مسئلے میں کہ زید کا انتقال ہوگیا جو بالغ غیر شادی شدہ تھا اس کی ماں کے علاوہ دو بہن ہیں، دو چچا ، چچی ، اور چچازاد بھائی بہن بھی ہے تو زید کے وارثین میں وراثت کی تقسیم کس طرح ہوگی ۔ جواب عنایت فرماکر شکریہ کا موقع دیں۔
3. سائل :  محمد ھارون رشید رضوی جھار کھنڈ
4. 
   

وعلیکم السلام ورحمة اللہ وبرکاتہ

الجواب بعون الملک العزیز الوھاب و اللھم ہدایة الحق والصواب

*پوچھی گئی صورت میں زید کے حقوقِ متقدمہ ادا کرنے کے بعد یعنی تجہیز وتکفین کا خرچہ نکالنے، مرحوم کے ذمہ کسی کا قرض ہو تو اس کو بھی ادا کرنے،اور اگرمرحوم نے غیر وارث کے لیے کوئی وصیت کی ہو تو اس کو ایک تہائی  ترکہ میں نافذ کرنے کے بعد مابقیہ کل ترکہ کو بارہ حصوں میں تقسیم کیا جاۓ دو حصہ ماں کو، چار  چار حصہ دو بہنوں کو اور باقی ایک ایک حصہ عصبہ ہونے کی صورت میں دونوں چچا کو ملے گا۔ نیز چچا کی موجودگی میں چچازاد بھائی ، بہن محروم رہے گا ۔ واللہ اعلم بالصواب*

کتبہ

فقیر اشرفی

محمد وسیم اصغر خان اشرفی جالوی

ناظم اعلیٰ : دارالعلوم اشرفیہ قطبیہ ،

خادم : قادری سمنانی دار الافتا کولکاتا

*الجواب صحیح والمجیب نجیح   ۔۔۔فقط (مفتی)محمدرحمت علی تیغی قادری مصباحی عفی عنہ*

مصنف: مفتی محمد وسیم اصغر خان اشرفی جالوی قادری سمنانی دارالافتا کولکاتا